«Հովհաննես Թումանյանի թանգարան» ՊՈԱԿ-ը հայտարարում է թանգարանի ֆոնդերի համալրում։ Ընդունվում են բանաստեղծի, նրա ընտանիքի անդամների և ժամանակակիցների` Թումանյանի հետ առնչություն ունեցող իրեր, լուսանկարներ, գրքեր, գրավոր նյութեր և այլն։ Հայտերի ընդունման ժամկետը օգոստոսի 1-ից մինչև սեպտեմբերի 1-ն է։ Հայտերն անհրաժեշտ է ներկայացնել թանգարանի museum@toumanian.am էլեկտրոնային հասցեին: Հայտը ներկայացնող անձը պետք է ունենա տվյալ առարկայի փորձագիտական եզրակացությունը՝ համաձայն պետական գնման չափորոշիչների, լուսանկարը, առարկայի տվյալները, առարկայի գնման համար առաջարկվող արժեքը, առարկայի սեփականատիրոջ համաձայնությունը: Ներկայացված հայտերը կուսումնասիրվեն թանգարանի կողմից թանգարանի ֆոնդային գնահատող հանձնաժողովի նիստում՝ առարկայի՝ թանգարանի ֆոնդի բնույթին, համապատասխանությունը հաստատելու համար: Հանձնաժողովի կողմից հայտը հավանության արժանանալու կամ մերժման դեպքում հայտատուն կտեղեկացվի: Լրացուցիչ հարցերի դեպքում զանգահարել հետևյալ հեռախոսահամարներին՝ +374 11 56 00 21 / +37497201378։